“Монголын эмэгтэй зохиолчид II” эмхэтгэл гарахаар болжээ. Анх 2009 онд МЗЭ-ийн 80 жилийн ойгоор “Монголын эмэгтэй зохиолчид I” номыг гаргаж байсан юм. Тус номонд нийтдээ 80 гаруй уран бүтээлчдийн зохиол бүтээл орж байсан бөгөөд Д.Нацагдоржийн нэрэмжит шагналт зохиолч Ц.Түмэнбаяр, Соёлын гавъат зүтгэлтэн яруу найрагч С.Оюун нар эрхлэн гаргаж байсан ажээ. Эмэгтэй зохиолчдын хоёр дахь эмхэтгэлийн бүтээлийг ирэх сарын 15 хүртэл хүлээн авах бөгөөд зохиолч өөрийн намтар, уран бүтээлийн жагсаалт, 1-3 бүтээлийг ирүүлэх боломжтой. Энэхүү номын талаарх дэлгэрнгүй мэдээллийг 327964, 91160639 дугаарын утсаар авах боломжтой ажээ.