УИХ-ын Байгаль орчин, хүнс хөдөө аж ахуйн байнгын хорооны дарга Г.Баярсайхан маргааш 11.00 цагт сэтгүүлчдэд мэдээлэл хийхээр болжээ. Тэрээр УИХ-ын хаврын чуулганы хугацаанд тус байнгын хороо ямар хуулийн төслүүдийг хэлэлцүүлэгт бэлтгэж, чуулганаар батлуулсан. Ямар газруудад ажлын хэсэг байгуулагдан ажилласан, завсарлагааны хугацаанд байнгын хороонд харьяалалтай гишүүд ямар ажил хийх үүрэг даалгавар авсан зэрэг олон асуудлаар мэдээлэл өгөх аж.

УИХ-ын хаврын чуулган долдугаар сарын 10-нд өндөрлөснөөр өнөөдрийг хүртэлх хугацаанд хоёр байнгын хороо ажлаа тайлагнаад байгаа юм. Үүнд УИХ-ын Эдийн засгийн байнгын хороо, Төсвийн байнгын хороо хамаарч байна.