Арабын нэгдсэн Эмиратын Дубай хот иргэдийнхээ хэт таргалалттай хүчтэй тэмцэхээр саяхнаас нэгэн сонирхолтой хөтөлбөр хэрэгжүүлж эхлээд байгаа гэнэ. Тодруулбал, хотын захиргаанаас иргэдийг жин хассан нэг килограмм тутамд нэг грам алтаар урамшуулахаар болжээ. Emirates 24/7-ийн мэдээлснээр хөтөлбөр сарын турш хэрэгжих бөгөөд ирэх сарын дундуур дуусах гэнэ.

Одоогоор зах зээл дээр нэг грам алтны үнэ 45 ам.доллар байгаа бөгөөд Дубайн иргэд жингээ хассан килограм тутамд нэг грам алтнаас гадна хамгийн их жин хасч чадвал таван мянган ам.долларын мөнгөн дүнтэй тэнцэх алтаар мөн шагнуулах аж.
 
Сүүлийн үед улс оронд нь таргалалт эрчимтэй нэмэгдэж буй учраас иргэдийнхээ эрүүл мэндэд анхаарч дэлхийн хамгийн баян орнуудын нэг гэгдэх Эмиратийн Дубай хотын удирдлага дээрх хөтөлбөрийг ийнхүү хэрэгжүүлж эхлээд байгаа юм байна.