Японы мэргэжлийн сумогийн долдугаар сарын тэмцээн Нагоя хотын “Aichi Prefectural Gymnasium” ордонд үргэлжиж байна.

Өнөөдөр болсон 12 дахь өдрийн барилдаанд их аварга Хакүхо Котошёогикүг давснаар башёг унаагүйгээр илт тэргүүлсээр байна. Тэрбээр мөн завсаргүй 42 дахь даваагаа авлаа.

Харин гурван өдөр дараалан унаад байсан Харүмафүжи өчигдөр Котоошюүг, өнөөдөр Какүрюү Анандыг давснаар есөн даваатай боллоо.

Мөн энэ өдөр Аойяма Чиёотайpюүг давснаар арав дахь, Кисэносато Котоошүгээр ес дэх даваагаа авлаа. Мөн Котоошү, Кайсэй нарын бөхчүүд есөн даваатай явна.
 
Маргааш Харүмафүжи Кисэносато, Хакүхо Котоошүтэй оноолт таарсан байна. Харин их аваргын араас ганцаараа арван даваатэй нэхэж буй Болгар бөх Аойямагийн хувьд маргааш зургаан даваатай Такаяасутай барилдах аж.

Дайдо /0-12/	Тамаваши 5-7
Аран 6-6	Шёотэнро Д.Нямсүрэн 8-4
Ваканасота 5-7	Саданофүжи 4-8
Тоёохибики 6-6	Китатайки 6-6
Такарафүжи 8-4	Масүнояма 7-5
Жокорюү 4-8	Ёшиказэ 6-6
Икиой 7-5	Тамаасүка 5-6
Котоюки 6-6	Тоёоношима 5-7
Чиёотайрюү 7-5	Аойяма 10-2 /Болгар/
Кёкүтэнхо 3-9	Аминишики 4-8
Шёохозан 4-8	Гагамарү 2-10
Фүжиазүма 4-8	Токитэнкү 4-8
Миёогирюү 6-6	Такаясү 6-6
Точиозан 8-4	Гоэйдо 5-7
Кисэносато 9-3	Котоошү 9-3
Хакүхо 12-0	Котошёогикү 7-5
Какүрюү 7-5	Харүмафүжи 8-4