Хос болгонд атаархсан
ганцаардал байхыг хүсээгүйдээ

Хайрын зурвас болоод
халаасанд чинь сэм орчихсон

Хацар даган урсах гашуун
нулимс байхыг хүсээгүйдээ

Хацрын чинь хонхорхойд
тодрох инээмсэглэл байхыг хичээсэн

Улиран өнгөрөх цаг хугацаан
дах гуниг байхыг хүсээгүйдээ

Урсаад одсон он жилүүдийн
уртыг чамаас би нуусан

Хэлж чадаагүйдээ хожим
харамсахыг хүсээгүй учраас

Хайрын тэр нандин үгсээ
чихэнд чинь зөөлөн шивнэсэн

Үргэлжлэл