“Тэнгис” кино театрын дэлгэцнээ Box Office-г тэргүүлж байгаа Минионууд болон Гуругийн шинэ адал явдал “Despicable Me 2”, “Monsters university” болон амьд үхдэлүүд буюу Зомбинуудын тухай бичдэг зохиолч Макс Брүүксийн зохиолоос сэдэвлэн бүтээсэн “World War Z” гарч байгаа юм. Мөн дэлгэцнээ гарсан цагаасаа өнөөдрийг хүртэл үзэгчдийн дунд хамгийн эрэлттэй байгаа “Лардьма” бүтээл үзэгчдийн хүртээл болж байгааг дуулгая.

Тэгвэл тун удахгүй буюу энэ сарын 19-нд “Тэнгис” кино театрын дэлгэцнээ БНСУ-ын нэрт найруулагч Ким Ён Күоны шинэ уран бүтээл тасралтгүй үргэлжлэх аймшгийн “Алуурчин сүнс” нээлтээ хийх нь ээ. “Killer Toon” хэмээх уг кино нь БНСУ-ад нээлтээ хийгээд удаагүй байгаа ч 2008 оноос хойш сая гаруй тасалбар борлуулсан анхны уран бүтээл болоод байгаа бөгөөд тус улсын Box Office-ын хоёрт яваа уг бүтээл таныг 104 минутын турш тасралтгүй аймшигт аялалд хөтлөнө гэсэн шүү.

“Тэнгис” кино театрт өдөр бүр 12.00 цагаас өмнөх үзвэр 3000 төгрөг байдаг ба мягмар, лхагва гаригт  2D үзвэр 4000, бусад өдрүүдэд энгийн кино том хүн  6000, хүүхэд 4000 бол 3D үзвэр том хүн 7000, хүүхэд 4000 төгрөгийн тасалбараар таныг дэлхий болон дотоодын кино ертөнцөөр аялуулна.