“Hi Fi Records” хөгжмийн сүлжээ дэлгүүрээс долоо хоног тутамд гаргадаг шилдэг борлуулалттай цомгийн жагсаалтыг “Харанга” хамтлагийн дуучин Х.Лхагвасүрэнгийн бие даасан гаргасан “Харангын Лхагваа” цомог тэргүүллээ.  Түүний уг цомогт “Толин хул”, “Халуун сэтгэл”, “Сар шиг хол”, “Намрын өнгө”, “Морин хуур” зэрэг хит дуунууд нь багтсан бөгөөд уг цомгийн нүүрийг 20 жилийн өмнө татуулсан морин дэл дээрх гэрэл зураг нь чимдэг юм. “Харанга”-ын Лхагваа энэ жилийн наадмын үдэш хамтлагийнхаа 25 жилийн ой, наадамчиддаа зориулан “Морин хуур, Толин хул” тоглолтоо Соёлын төв өргөөнд хоёр хоног тоглосон бөгөөд наадамчдын хамгийн эрэлтэй тоглолтуудын нэг байсан юм. Наадмаар “Харанга”-ын Лхагваагийн цомгууд хамгийн сайн гүйлгээтэй нь байсан бөгөөд уг жагсаалтын хоёрт түүний “Тэнгэрлэг андууд” цомог орсон юм. Түүний араас жагсаалтын гуравт Төрийн хошой шагналт, Ардын жүжигчин, хөгжмийн зохиолч Н.Жанцанноровын “Бурхан Халдун” цомог удаалжээ.

Өнгөрсөн долоо хоногт борлуулалтаараа тэргүүлсэн ТОП-10 цомгийн жагсаалтыг хүргэе.