Өнөөдрөөс 11-нийг хүртэл зарим газраар, 12-нд нутгийн зүүн хэсгээр дуу цахилгаантай түр зуурын бороо орно. Салхи хугацааны эхээр ихэнх нутгаар, хугацааны
эцсээр говь талын нутгаар секундэд 16-18 метр хүрч ширүүснэ.
Хугацааны эхээр ихэнх нутгаар
сэрүүснэ. Орхон голын эхээр усны төвшин өмнөх өдрийнхөөс 10-15
см нэмэгдэж, үерийн аюултай төвшинг 10-15 см даван хүчтэй үерлэж байгаа аж. Алтай нуруунаас усжих Буянт, Булган голын усны төвшин өмнөх өдрийнхээс тав орчим см багассан хэдий ч үерийн
төвшинг давсан
хэвээр байна. Иймд дээрх голын дагуух хот, суурин газрын оршин суугч, малчид,
нийт ард иргэдийг үер усны аюулаас урьдчилан сэргийлэхийг Онцгой байдлын ерөнхий
газраас анхааруулав.
Б.Цолмон