Испанийн Ла Лигийн Севийя клубын довтлогч Алваро Негредо 25 сая еврогийн үнэ цэнээр ситизенчүүдийн эгнээнд нэгдэхээр боллоо. Түүний наймааг хоёр тал өчигдөр орой үзэглэж, эцэслэсэн бөгөөд одоо Негредотой цалингийн тал дээр ярилцаж байгаа юм. Ямар ч байсан ирэх улиралд Хисус Навас, Негредо нар нэг багт тоглохыг дэлхий нийт харах боломжтой болж байна. Баттай бус мэдээгээр тэрээр долоо хоногт 282 мянган еврогийн цалин авах бололтой. Гэхдээ хоёр багийн эцэслэсэн гэрээгээр тэрээр долоо хоногт 86 мянган еврогийн цалин авч магадгүй байгаа юм. Хэрвээ ситизенчүүд улирлыг гурваас дээш байрт бичигдэж чадвал Севийя клубт гурван сая еврог бонус болгон өгөх юм байна. Негредо Севийягийн төлөө 139 тоглолтод 70 гоол оруулжээ. Одоогоор Ситизенчүүд Хисус Навас, Негредо, Фернандинио нарыг өөрийн болгоод байгаа билээ.