Универсиад наадмын буудлагын тэмцээнд мөнгө, хүрэл медаль хүртээд байсан урт бууч бүсгүйчүүд 50 м-т гурван байрлалаас буудах дасгалд багаараа дөрөвдүгээр байр эзэлсэн юм. Энэ дасгалд БНХАУ-ын тамирчид 1740 оноогоор тэргүүлсэн бол ОХУ (1736), Казахстан (1729) тус тус удаалсан. Шигшээ буудлагад ОУХМ Ч.Нарантуяа 579 оноогоор шалгарсан хэдий ч медалийн өмнүүр таслуулсан нь (428 оноо) харамсалтай.

1.Ман Хон (БНХАУ) 458,9    2.Нара Квон (БНСУ) 453,9    3.Ли Пейжин (БНХАУ) 440,6  
Яг энэ дасгалд 57 эрэгтэй өрсөлдөхөд Х.Бямбабаатар 614,7 оноогоор 14, Б.Бишрэл 606,8 оноогоор 38 дугаар байр эзэлжээ.

Монголчуудын өндөр амжилт гаргадаг спорт гар бууны 25 м-т 44 тамирчин онч сориход Т.Баярцэцэг 28 (282), Г.Хэрлэнцэцэг 32 (280), Т.Гантуул 43 (260)-т орсон билээ. Харин эрэгтэйчүүдийн 50 м-ийн гар бууны тэмцээнд Э.Даваахүү 30 тамирчнаас есдүгээр (552) байр эзэлснээр шигшээд шалгарч чадсангүй. 

Б.Өлзийтогтох Казаниас мэдээлэв.