Японы мэргэжлийн сумогийн долдугаар сарын тэмцээн Нагоя хотын “Aichi Prefectural Gymnasium” ордонд үргэлжиж байна.

Арав дахь өдрийн барилдаанд их аварга Хакүхо Миёогирюүг давснаар арван даваатай башёг тэргүүлсэн хэвээр. Котоошюү, Кайсей нарын хувьд өрсөлдөгчөө давснаар есөн даваатай тэргүүлэгчийн араас нэхэж явна.

Харин Харүмафүжи Гоэйдод ялагдсанаар дөрвөн унаатай боллоо. 70 дахь аварга Харүмафүжи тэмцээний гурав дахь өдөр Такаясүд, найм дахь өдөр Чиёотайрюүд, өчигдөр Миёогирюүд, өнөөдөр Гоэйдод унаснаар дараалан гурав унаад байна. Харүмафүжи маргааш есөн даваатай Котоошюүтай барилдана. Өмнөх сарын барилдаанд дөрөв унаад байсан Харүмафүжи энэ сарын барилдаанд олон унах эрхгүй. Учир нь ёкозүна цолтой байж ийнхүү олон унаж буй нь цолыг нь хураах хүртэл шийтгэлийг түүнд олгож мэдэх талаар Сумогийн холбооноос сануулга өгсөн учир түүний хувьд улам хүнд болж ирлээ.

Маргааш Хакүхо долоон даваатай Какүрюү-Н.Анандтай, есөн даваатай Кайсэй зургаан даваатай Чиёотайрюүтай оноолт таарчээ.