Өнөөдөр Үндсэн хуулийн Цэц их суудлаараа хуралдаж байна. Хэлэлцэж буй асуудал нь УИХ-ын хуралдааны дэгийн тухай хуулийн зарим заалт Үндсэн хууль зөрчсөн тухай юм. Үүнийг Цэц түрүүнд нь дунд суудлаараа хэлэлцэн Үндсэн хууль зөрчсөн байна хэмээсэн дүгнэлт гаргасныг УИХ өнгөрсөн дөрөвдүгээр сард хэлэлцээд хүлээж аваагүй юм. Үүнээс болж УИХ-ын гишүүд, Үндсэн хуулийн Цэцийн дарга Ж.Бямбадорж нарын хооронд дажин дэгдэж, улмаар Цэцийн дарга хуралдаан хаян гарч явсан билээ.