“Lumino” хамтлаг энэ жил 15 нас хүрч байна. Баяртаа зориулж тус хамтлагийнхан үнэнч фенүүддээ бэлэг барихаар шийдэж, дан хуучны дуунуудаас бүрдсэн хос цомог гаргахаар зэхэж байна. “Best of Lumino-1,2” нэртэй байх шинэ цомгуудаа ирэх долоо хоногт хэвлэлтэд явуулахад бэлэн болсон гэнэ. Харин цомгийн дууны сонголтын тухайд тун энгийн. “Lumino”-гийн хит бүтээлүүд. Нэг цомогт гэхэд л 15 дуу багтсан энэ хос цомог фенүүдэд нь хамгийн гоё бэлэг байх болов уу.

Харин шинэ уран бүтээлийн хувьд шинэ дуугаа дүрсжүүлэх ажил үлдээд байгаа аж. Түүнчлэн цоо шинэ дуунуудыг багтаасан цомог гаргахаар ажилдаа орсон гэнэ лээ. Тус цомогт нь “Сэмбий” болон “Vanquish” хамтлагтай хамтарсан шинэ уран бүтээлүүд нь багтжээ.