Баяр-Наадмын өдрүүд буюу 2013 оны 07 дугаар сарын 09-ний өдрөөс 12-ны өдрийн хооронд тус цагдаагийн газар нь иргэд, аж ахуйн нэгж, байгууллагаас 28 дуудлага иржээ. Үүнээс Гэмт хэргийн шинжтэй 6 мэдээлэл. Гэмт хэргийн шинжтэй дуудлага мэдээлэл 6 бүртгэгдсэнээс Бусдын бие мах бодид гэмтэл учруулах-1, Золгүй учрал-1, Тээврийн хэрэслийн хөдөлгөөний аюулгүй байдал, ашиглалтын журмын эсрэг -2, Галын хэрэг-2 бүртгэгдсэн байна.2013/07/09-ний өдөр. Гэмт хэрэг гараагүй.
2013/07/10-ны өдөр. Золгүй учрал-Орхон аймаг Баян-Өндөр сум "18-н карьер"-ийн хажуугийн тогтсон усанд 1993 онд төрсөн, 20 настай Д овогтой Б, Д овогтой Ц нар усанд сэлэх гэж ороод живж нас барсан байна. Осол-Цагаанчулуут багийн "Жаст ойл" ШТС-ны зүүн талд Марк-2 1927 ОРО, Тоёта-Кроун 0139 ОРО машинууд мөргөлдөж дотор нь сууж явсан иргэн Д, О нар гэмтсэн хэргүүд тус тус бүртгэгдсэн.
2013/07/11-ний өдөр. Гэмт хэрэг гараагүй.
2013/07/12-ны өдөр. Галын хэрэг-2. 1. Баруун Дэнжийн 4-Б-23 тоотод оршин суух иргэн Н 3х4 хэмжээтэй модон байшин цахилгааны утаснаас болж шатсан. 2. Жаргалант сум Тариачдын 14 тоотод оршин суух иргэн Ц монгол гэртээ гал түлж орхиод гарсан байснаас гал гарч гэр нь шатсан. ЗТ Осол-Зээлийн 1-81 тоотод оршин суух иргэн Г сууцны байшингийн ар талаас 56-76 орх дугаартай цагаан өнгийн машиныг Б согтуугаар жолоодож яваад мөргөж ханыг нь нураасан. Бусдын бие мах бодид гэмтэл учруулах-Уртын гол 8 тоотод оршин суух иргэн Н Их залуу хабитатын замд үл таних хүмүүст зодуулан гэмтэл авсан хэргүүд тус тус бүртгэгджээ.
Бүртгэгдсэн 6 хэргийг баг тус бүрээр нь авч үзвэл: Бусдын бие мах бодид гэмтэл учруулах-Их залуу Хабитатад, Золгүй учрал-Орхон аймаг Баян-Өндөр сум "18-н карьер"-т, Тээврийн хэрэслийн хөдөлгөөний аюулгүй байдал, ашиглалтын журмын эсрэг-Цагаанчулуут ба Зээл багуудад, Галын хэрэг-Баруун Дэнж ба Жаргалант суманд тус тус бүртгэгджээ.
Дээрхи хугацаанд нийт 73 хүн эрүүлжүүлэгдэж, согтуугаар тээврийн хэрэгсэл жолоодох зөрчил 35-г илрүүлсэн байна. Мөн архидан согтуурч, биеэ авч явах чадваргүй болсон 60 хүнийг ар гэр, асран хамгаалагчид нь хүлээлгэн өгсөн байна.
