Ардын хувьсгалын 92 жилийн ойн их баяр наадмын хүчит бөхийн барилдааны тавын даваа шувтарлаа. Начин цолтон төрөх энэ даваанаас таван залуу бөх учраагаа өвдөг шороодуулж, улсын начин цолны болзол хангаж, улсын харцага цолны төлөө барилдахаар болоод байна. Тодруулбал, Увс аймгийн Тэс сумын харьяат, аймгийн арслан Т.Баасанхүү Увс аймгийн Баруунтуруун сумын харьяат, улсын арслан Б.Ганбатаар, Монгол Улсын Хөдөлмөрийн баатар, Гавьяат тамирчин, Бээжингийн олимпийн аварга Н.Түвшинбаяр Архангай аймгийн Булган сумын харьяат, улсын гарьд Д.Рагчаагаар давж улсын начин цолтон болж, наадамчин олноо баярлуулсан юм. Мөн Хэнтий аймгийн Өмнөдэлгэр сумын харьяат, аймгийн арслан Э.Оюунболд Булган аймгийн Гурванбулаг сумын харьяат, улсын гарьд И.Доржсамбуугаар, Увс аймаг Ховд сумын харьяат, аймгийн арслан Н.Батсуурь Сэлэнгэ аймаг Орхонтуул сумын харьяат, улсын харцага Т.Өсөх-Ирээдүйгээр тус тус давж, улсын начин цолны болзол хангалаа.

Тавын давааны дүйз /давсан бөхчүүдийг тодоор бичив/

• даян/ав Г.Өсөхбаяр –  у/н М.Цанлиг
• у/ав С.Мөнхбат –  у/н Н.Батзаяа
• у/арс Б.Ганбат – а/а Т.Баасанхүү
• у/арс Х.Мөнхбаатар – у/н Ш.Жаргалсайхан
• у/арс Г.Эрхэмбаяр – у/з Б.Соронзонболд
• у/арс Д.Азжаргал – у/х А.Цацабшир
• у/г Д.Рагчаа – а/а Н.Түвшинбаяр
• у/г И.Доржсамбуу  – а/а Э.Оюунболд
• у/г Ж.Бат-Эрдэнэ – а/а Л.Цэрэнтогтох
• у/з Б.Сайнбаяр – у/н С.Батсуурь
• у/з Т.Санчир – у/х Л.Пүрэвжав
• у/з Ч.Санжаадамба – у/н Ч.Баянмөнх 
• у/х Т.Өсөх-Ирээдүй – а/а Н.Батсуурь
• у/х Ц.Содномдорж – у/н Б.Батмөнх
• у/н Э.Энхбат – у/н Ц.Одбаяр
• у/н Б.Гончигдамба – у/н Пүрэвсайхан