Төв цэнгэлдэхийн зүлэг ногоон дэвжээнээ үргэлжилж буй хүчит бөхийн барилдааны тавын даваанд нийт таван аймгийн арслан учраа бөхөө өвдөг шороодуулж, улсын начин цолны болзол хангалаа.

Тодруулбал, Увс аймгийн Тэс сумын харьяат, аймгийн арслан Т.Баасанхүү Увс аймгийн Баруунтуруун сумын харьяат, улсын арслан Б.Ганбатаараар, Монгол Улсын Хөдөлмөрийн баатар, Гавьяат тамирчин, Бээжингийн олимпийн аварга Н.Түвшинбаяр Архангай аймгийн Булган сумын харьяат, улсын гарьд Д.Рагчаагаар давж улсын начин цолтон болж, наадамчин олныг баярлууллаа.

Мөн Хэнтий аймгийн Өмнөдэлгэр сумын харьяат, аймгийн арслан Э.Оюунболд Булган аймгийн Гурванбулаг сумын харьяат, улсын гарьд И.Доржсамбуугаар, Увс аймаг Ховд сумын харьяа Аймгийн Арслан Н.Батсуурь Сэлэнгэ аймаг Орхонтуул сумын харьяа Улсын Харцага Т.Өсөх-Ирээдүйгээр давж улсын начин цолны болзол хангалаа.

улсын арслан  Б.Ганбат – аймгийн арслан Т.Баасанхүү
улсын гарьд Д.Рагчаа – аймгийн арслан Н.Түвшинбаяр
улсын гарьд И.Доржсамбуу  – аймгийн арслан Э.Оюунболд
улсын гарьд Ж.Бат-Эрдэнэ – аймгийн арслан Л.Цэрэнтогтох
улсан харцага Т.Өсөх-Ирээдүй – аймгийн арслан Н.Батсуурь