Чөлөөт бөхийн ОУХМ Г.Мандахнаран Зуны XXVII Универсиад наадмаас хүрэл медаль хүртлээ.

Зуны XXVII Универсиадын 66 кг-ын жинд Г.Мандахнаран Казахстаны Самат Омаровыг 4:1, Германы Саба Жавад Болахиг 4:0-ээр хожин, дараагийн даваанд ОХУ-ын бөх Магомед Курбаналиевт 4:0-ээр хожигдсон юм. Энэ бөх 2013 оны чөлөөт бөхийн бүх Оросын АШТ-д түрүүлсэн, олонд танигдаж байгаа нэгэн билээ. Ингээд хүрэл медалийн төлөөх барилдаанд манай тамирчин Азербайжаны А.Мустафаевтай учраа таарсан. Өрсөлдөгчийнхөө хөлд нь орж, улмаар шахаж эргүүлэн оноо авсан Г.Мандахнаран хоёрдугаар үед өрсөлдөгчдөө нэг оноо алдсан ч цаашид хянамгай барилдан, гуравдугаар байр эзэллээ.

Б.Өлзийтогтох