Овгоо хүртэл бусдаас өвөрмөцөөр бичдэг С.С.Амармандахыг хүмүүс ихэвчлэн “Хар сарнайн Амраа” хэмээн дотночлон дууддаг. Бүжигчин удамтай энэ залууг урлагийн алтан тайз нь үеийнхнээс нь хамаагүй залуу харагдуулдаг төдийгүй эрмэг зоримог зан нь аргагүй л монгол эр хүн гэдгийг нь харуулдаг. Энэ жил харин Амраа их л даруухан наадамлав. Бяцхан охиноо тэврэн гэргийгээ дагуулан индрийн өмнүүр алхах Амрааг сэтгүүлчид харин зүгээр зогсоосонгүй, тал тал тийш татан хамтдаа зураг авахуулж байлаа. Амраа өнөө жилийн наадмаар цасан цагаан комтюмаар гоёсон бол гэргий нь цэнхэр торгон дээлийг охинтойгоо ижилсэн өмссөн байлаа.