Монголчууд бидүндэсний их баяр наадмынхаа үеэр төрийн далбааны өдрийг хуульчлан тэмдэглэдэг болсон ч эрхэм дээд бэлгэдлийн маань мөнх хөх тэнгэрийн өнгө, соёмбын гал, загас зэргийг алдаатай хийж хэрэглэхнь түгээмэл  байна. Наадмын үеэр хаа сайгүй зардаг дарцаг гэлтгүй олон улсын хурал, олимп, тив, дэлхийн аварга шалгаруулах тэмцээнүүдэд хүртэл ижил бус өнгөтэй төрийн далбаа намируулах нь нүдэнд содон тусах боллоо. Үүнийг цэгцлэх зорилгоор үндэсний М-Си-Эс Группын залуус “Нэг далбаан дор нэгдэцгээе” уриатай асуудал дэвшүүлсэн “смарт моб”-ыг  зохион байгуулж байна. Тэд ижил бус өнгөтэй  зөрүүтэй далбааны асуудлыг хөндөн олон нийтийн анхааралд хүргэж, төрийн далбааны стандартыг шинэчлэх, бүх нийтээрээ хүндэтгэлтэй хэрэглэж занших, гадаадад сурталчлахыг уриалсан нь дэмжлэг хүлээлээ.

Мөн залуус төрийн далбааны өдрөөр алтан соёмбот далбаагаа зөвхөн төв талбайдаа бус айл өрх, албан байгууллага бүр хүндэтгэн мандуулж энэ өдрийг илүү өргөн дэлгэр, утга төгөлдөр, шинэлэг тэмдэглэдэг болгохыг зорьжээ. Тиймээс өөрсдийн ажилладаг М-Си-Эс Группын “Сентрал Тауэр”барилгын нүүрэн талд30×15 метрийн хэмжээтэй төрийн далбааг мандуулснаас гадна залуусын хороолол “Вива Сити”-д 50 ширхэг төрийн далбаагбайрлуулжээ. 

Төрийн далбааны өдрийг угтсан “Смартмоб” арга хэмжээг залуус долдугаар сарын 5-ны өдрөөс эхлэн М-Си-Эс Группын компаниуд дээр цуврал болгон зохион байгуулсан бөгөөд өнөөдөр Сүхбаатарын талбай, “Вива Сити” хороололд болно. “Смартмоб” арга хэмжээ нь нэг зорилгод нэгдсэн хүмүүс дэвшүүлсэн асуудлаа соёлтой, ухаалаг, зохион байгуулалт сайтай илэрхийлдэг билээ.