Сүүлийн үед дэлхийн нэртэй одуудын хамт томоохон арга хэмжээнүүд дээр харагдах болсон Ханхүү Харри энэ зуныг ихэд хөгжилтэй өнгөрөөж байгаа бололтой. Өнгөрөгч зургадугаар сард л гэхэд тэрээр алдарт “Glastonbury” хөгжмийн наадамд оролцож байсан бол энэ удаа хөгжмийн ертөнцөд залуусыг байлдан дагуулаад буй “Mumford & Sons”-ийн тоглолтонд саатсан гэнэ.

Лондон хотноо орших Хатан хаан Элизабетийн “Olympic” цэнгэлдэх хүрээлэнд өнгөрөгч амралтын өдрөөр болсон уг тоглолтонд ханхүү найз бүсгүй Крессида Бонастын хамтаар очиж хуран цугласан зочид, үзэгчдийн нүдийг мөн хужирлажээ. Шөнийн нэг цаг хүртэл хамтлагийхны тоглолтонд саатсан ханхүүг Английн алдарт “folk rock” хамтлаг “Mumford & Sons”-ийн тоглолтыг үзсэнийх нь дараа “Mumford”-ийн үнэнч шүтэн бишрэгч хэмээн шар хэвлэлүүд шуугих болсон гэнэ.