Каталоны нэр төр Барселона клубын довтлогч Давид Вийя нийслэл хотын баг болох Атлетико Мадридад ирлээ. Испанийн шигшээ багийн бүх цаг үеийн мэргэн бууч Вийя, нийслэл хотын багт 6,5 сая еврогийн үнэ цэнээр ирсэн байна. 2010 онд Валенсиа клубээс ирж байсан тэрээр Барсагийн төлөө 77 тоглолтод 33 гоол оруулсан үзүүлэлт гаргаад байгаа юм. “Бид улирал эхлэхээс өмнө 50 хувийг нь төлсөн. Улирлын дундуур үлдсэнийг нь өгнө. Хэрвээ дараа жил манай багт үлдэж чадах юм бол бид нэмж 2 сая еврог Барсад өгөхөөр болсон. Бидний наймаа маш амжилттай боллоо” гэж Атлетико Мадридын ерөнхий менежер Диего Симионе ярьжээ. Улирал дуусмагц түүнийг Тоттенхэмчүүд сонирхож, үнийн саналаа илгээсэн тухай шуугиж байсан ч Испанийн баг урьтаж чадлаа. Барсагийн өөр нэг од болох Эрик Абидал Францын Монако клубтэй гурван жилийн гэрээ байгуулж ирээд байна.