Гавьяат жүжигчин, дуучин, поп дива Ж.Алтанцэцэг өнгөрсөн хүүхдийн баяраар бие даасан “Алтанцэцэг” тоглолтоо Соёлын төв өргөөний тайзнаа ганцхан удаа тоглосон билээ. Тэрээр Монголд анх удаа 3D, холограмыг ашиглан шинэ уран бүтээлүүдээсээ бүрдсэн шинэлэг өвөрмөц тоглолтоор үзэгчдэдээ бэлэг барьсан юм. Тэгвэл наадмын өдрүүдэд “Алтанцэцэг” тоглолт “UBS”, “MN25”, “TV8”, “HD Монгол” телевизийн дэлгэцнээ гарч үзэгчдийн хүртээл болох нь ээ.

Сонирхуулахад, тэрээр Тулгар төрийн 2222 жил, Их Монгол улс байгуулагдсаны 807 жил, Ардын хувьсгалын 92 жилийн ой, Үндсэний их баяр наадмын хүндэтгэлийн цэнгүүнд ДБЭТ-ын гоцлол дуучин Ө.Уянга Хөвсгөл аймгийн хөгжимт драмийн театрын дарга, Соёлын тэргүүний ажилтан Н.Сэрмятав нартай хамтран хөгжмийн зохиолч, Урлагийн гавьяат зүтгэлтэн Б.Бямбабаярын ая “Эзэн заяа” дууг дуулна гэсэн шүү.

Мөн дуучин Алтаа “Алтанцэцэг” тоглолтондоо нилээдгүй олон шинэ дуу  дуулсан учраас шинэ дуунуудынхаа клипны ажилд орчихсон завгүй байгаа яваа аж.