Амьдралынхаа
25 жилийг кино урлагт өнгөрүүлсэн Холливудын нэрт жүжигчин Кетрин Зета
Жонс өчигдөр Уэльсийн хамгийн нэр хүндтэй сургуулиудын нэг “Royal Welsh
College of Music, Drama”-ийн хүндэт шагналыг гарджээ. “Үзэгчдийн хүртээл
болсон олон сайхан бүтээлүүдээрээ Европ төдийгүй дэлхий дахинаа
танигдсан түүний кино урлагт оруулсан хувь нэмэр их” хэмээн тус
сургуулийн захирал Хилари Боулдин энэ үеэр онцлон тэмдэглэсэн байна.
Тэрээр мөн цааш ярихдаа Жонс бол Уэльсчүүд тэр дундаа Уэльсийн соёл
урлагийг дэлхий дахинаа таниулахад хамгийн их хувь нэмэр оруулсныг мөн
дурьджээ.

Жонс 1969 оны есдүгээр сарын 25-ны өдөр Уэльсэд төрж
бага залуу наснаасаа кино урлагт хөл тавьсан кино урлагийн хүндтэй
хатагтай нарын нэг юм. Тэрээр хамгийн анх Францын кино найруулагч Филипп
де Брокагийн “Les 1001 Nuits” кинонд тоглож олонд танигдсанаас хойш
одоог хүртэл  30 гаруй кинонд тогложээ. Жонс мөн дан ганц кинонд
тоглохоос гадна арваад жүжгийн дүрд тоглосон байна.

Түүнийг мөн
Оскарын шагналт нэрт жүжигчин Майкл Дагласын эхнэр гэдгээр фэнүүд нь
андахгүй. Хосууд 2000 онд Нью-Йоркод хуримаа хийж хоёр хүүхэдтэй болжээ.