Энэ оны долоодугаар сарын 13-ны өдөр Испани улсын Мадрид хотын спорт цогцолборт сонгомол барилдаан, эрэгтэй, эмэгтэй чөлөөт бөхийн гурван төрлөөр явагдах “Гран-При” тэмцээнд манай эмэгтэй баг оролцох болжээ.

Испанийн “Гран-При” тэмцээнд манай бөхчүүд 2004 онд оролцож 48 кг-ийн жинд Ц.Энхжаргал, 72 кг-ийн жинд О.Бурмаа нар хүрэл медаль хүртэж байжээ.

Энэ тэмцээнд эмэгтэй үндэсний шигшээ багийн ахлах дасгалжуулагч, Гавьяат дасгалжуулагч З.Дүвчингийн удирдлага дор манай гурван бөх зодоглоно.

Бөхчүүдийн нэрсийг дор толилуулж байна:

55 кг     Сүндэвийн Бямбацэрэн (”Аврагч” спорт хороо, үндэсний шигшээ багийн тамирчин, олон улсын хэмжээний мастер, дасгалжуулагч Л.Бадарч, Ю.Гандолгор)

72 кг     Очирбатын Бурмаа (”Алдар” спорт хороо, үндэсний шигшээ багийн тамирчин, Гавьяат тамирчин, ДАШТ-ний мөнгөн медальт, дасгалжуулагч Т.Сүхбаатар, Б.Төмөрбаатар)

Бадрахын Одончимэг (”Алдар” спорт хороо, үндэсний шигшээ багийн тамирчин, олон улсын хэмжээний мастер, дасгалжуулагч Ц.Цогтбаяр, Ц.Хосбаяр)