АНУ-д өнгөрөгч зургадугаар сард 195 мянган ажлын байр шинээр бий болсон талаар албаныхан мэдээлсэн байна. Дээрх үзүүлэлт нь шинжээчдийн таамаглаж байснаас харьцангуй их тоо гэдгийг эх сурвалжууд энэ үеэр  онцолжээ. Учир нь эдийн засагчид зургадугаар сард 165 мянган ажлын байр шинээр бий болно хэмээн таамаглаж байсан байна.

Гэхдээ одоогийн байдлаар Америкт ажилгүйдлийн түвшин тогтвортой буюу 7.6 хувьтай хэвээр байгаа тухай тус улсын Хөдөлмөрийн Статискийн албанаас мэдээлжээ. Эдийн засагчдын тооцоолж байгаагаар хэрвээ энэ эрчээрээ ажлын байрны тоо нэмэгдээд байвал 2014 он гэхэд АНУ ажилгүйдлийн түвшингээ тодорхой хэмжээнд бууруулж чадахаар байгаа тухай эх сурвалжууд ийнхүү  мэдээлсэн байна.