Ерөнхийлөгчийн сонгуулийн дараа МАН дотор намаа шинэчлэх хөдөлгөөн байгуулж, намын бага хурал, Их хурлыг зохион байгуулахыг шаардсан билээ. Тиймээс МАН-ын Удирдах зөвлөл энэ сарын 1-нд хуралдаж, Бага хурлыг Үндэсний их баяр наадмын дараа зохион байгуулж, Их хурлыг товыг зарлахаар болсон. Бага хурлыг долдугаар сарын 20-ний өдрүүдэд зохион байгуулахаар болсон байна.
 
МАН-аас Н.Номтойбаяр, Ж.Эрдэнэбат, О.Содбилэг тэргүүтэй намын залуу гишүүд “Шинэчилье” хөдөлгөөнийг байгуулаад байгаа юм. Уг хөдөлгөөн намын Бага хурал, Их хурлыг зохион байгуулж, намын дарга нарыг шинэчлэх, намын даргыг сонгохдоо шударгаар сонгох гэх мэт шаардлагуудыг тавиад байгаа юм. “Шинэчилье” хөдөлгөөнийхөн Бага хурлыг Баяр наадмын өмнө зохион байгуулахыг шаардсан ч намын Удирдах зөвлөлөөс наадмын дараа товлон зарласан юм.