Засгийн газраас иргэдийг орон сууцжуулах зорилгоор ипотекийн зээл олгож эхлээд буй. Ипотекийн зээлийн хүрээнд банкууд өөрийн хөрөнгөөр өмнө нь иргэдэд зээл олгодог байсан бөгөөд 2003 оноос банкууд өөрсдийн хөрөнгөөр нийт 940 гаруй тэрбум төгрөгийн орон сууцны ипотекийн зээл болгосон байна.

Ерөнхий сайд Н.Алтанхуяг УИХ-ын чуулганы хуралдаанд танилцуулснаар 2013 оны зургадугаар сарын 17-ны өдрөөс орон сууцны ипотекийн санхүүжилтийн олгож эхэлсэн бөгөөд хөтөлбөр хэрэгжсэн эхний долоо хоногт банкууд 7737 иргэний 2116,2 тэрбум төгрөгийн зээлийн дахин санхүүжүүлж, орон сууцны зээлийн хүүг найман хувьд шилжүүлсэн байна. Мөн энэ хугацаанд 300 иргэн 12,7 тэрбум төгрөгийн ипотекийн зээлд хамрагджээ.  

Түүнчлэн Засгийн газраас орон сууц худалдан авах боломжгүй иргэдэд зориулж “Түрээсийн орон сууц” хөтөлбөрийг боловсруулаад байгаа юм байна. Энэ хүрээнд нийт 1300 айлын түрээсийн орон сууц барих ажлыг эхлүүлжээ.