ШӨХТГ-аас кино театруудаар гарч байгаа киноны орлогын мэдээллийг долоо хоногийн баасан гариг бүр олон нийтэд зарладаг уламжлал тогтоогоод буй. Тэгвэл энэ долоо хоногийн шилдэг монгол киноны жагсаалтыг “Лардьма” уран сайхны кино дахин тэргүүлжээ. Одоогоор уг кино зөвхөн “Тэнгис” кино театрт гарч байгаа ба өнгөрсөн долоо хоногт 12,029,460 төгрөгийн орлого олжээ. Түүний араас анх удаа багийн спортын төрлөөр Япон, Монголын уран бүтээлчид хамтран бүтээсэн “Ганц оноо” бэйсболын тухай уран сайхны кино 1,242,167 төгрөгийн орлогоор удаалжээ. Уг бүтээл өнгөрсөн долоо хоногт нээлтээ хийсэн юм.