Их Британийн төсвийн алдагдлыг бууруулах асуудал өмнө төлөвлөж байснаас хүндээр тусах бололтой. Хатуу хэмнэлтэд орно. Тэр нь хүн бүрт хамааралтай хэмээн Их Британийн ерөнхий сайд Дэвид Кэмерон мэдэгджээ.
Их Британийн төсвийн зөрөө 156 тэрбум фунт болон өссөн ба түүнийг аль болох хурдан бууруулах хэрэгтэй болж байгаа гэнэ. Эхний ээлжинд нөхвөр ба тэтгэвэр, төрийн ажилтнуудын цалин хасагдах ба татварыг өсгөх арга хэмжээг авна.
“Асуудал бидний бодож байснаас илүү хүнд байна” гэж сэтгүүлчдэд Кэмерон ярив. Энэ сарын 22-ны өдөр шинэ төсөв батлагдах юм.