“Toyota” корпорацын мэргэжилтнүүд сансрын нисэгчийг орлох робот бүтээснээ Олон улсын сансрын станцын бүрэн эрхт гишүүн болгохоор төлөвлөжээ. Киробо нэртэй сансрын “нисэгч” робот ердөө нэг кг жинтэй, 34 см өндөр бөгөөд жингүйдлийн нөхцөлд төрөл бүрийн хөдөлгөөн хийж, радио станцаар дамжуулан өгөх даалгавруудыг сонсож, зааврын дагуу биелүүлж чаддаг гэнэ.

Эл роботыг жингүйдлийн нөхцөлд туршихад даалгаврыг бие даан гүйцэтгэх чадвар нь зохион бүтээгчдийн санаснаас сайн байжээ. Киробогийн өөр нэг давуу тал нь тодорхой хэмжээгээр ярьж чаддаг юм байна.

Японы сансрын нисэгч Коити Ваката ирэх наймдугаар сард энэ роботыг Олон улсын сансрын станцад аваачиж, тойрог замд зургаан сарын туршилтаар ажиллуулах юм байна.