Бразилийн шигшээ болон “Корентианс” багийн хагас хамгаалагч, 2013 оны Холбооны цомын хүрэл бөмбөгийн эзэн Паулиньог Английн “Тоттенхэм” баг 17 сая фунт стерлингээр худалдан авлаа. 1988 онд төрсөн төвийн хагас хамгаалалтын байрлалд тоглодог Паулиньо буюу Жозе Пауло Бэзэрра Масьел Жуниорыг саяхан Бразилд болсон Холбооны цомын тэмцээнээр тодорч, Европийн томоохон багуудын анхаарлыг татсан юм. Түүнийг Испанийн эзэн хааны “Реал Мадрид” сонирхож байсан ч ийнхүү Английг, “Тоттенхэм” багийг сонгосон байна.

Паулиньо одоогийн байдлаар Бразилийн шигшээд 17 тоглолтод оролцож, таван гоолыг оруулсан юм. Өдгөө 24 настай Паулиньог Бразилийн шигшээн багийн дасгалжуулагч Луйс Сколари алдарт Эмэрсонтой дүйцэхүйц “цэвэрлэгч” болно гэж хэлсэн удаатай.