Энэ сарын 24-нд Английн Лондон хотноо All England Club-т эхэлсэн “Уимбльдон”-ы эрэгтэй, эмэгтэй ганцаарчилсан төрлийн дөрөвдүгээр тойрог буюу шилдэг 16 тодроод байна.

Эмэгтэйчүүдийн ганцаарчилсан төрлийн эхний тойрогт Мария Кирилленко, Надия Петрова тэргүүтэй дөрвөн бүсгүй тэмцээнийг орхисон. Гэтэл тэдний араас хоёрдугаар тойрогт гол найдвар тавьж байсан тэмцээний гуравт эрэмбэтэй Мария Шарапова Португалийн залуу од Де Бритод ялагдал хүлээсэн. Ингээд ганцаарчилсан төрөлд оролцсон найман бүсгүйчүүдээс тэмцээний 25-т эрэмбэтэй Екатерина Макарова гуравдугаар тойрогт шалгараад байсан. Гэсэн ч тэрбээр 2011 оны тус тэмцээний аварга Чехийн Петро Квитоватай оноолт таарсан ч ялагдал хүлээсэн.

Ийнхүү энэ жилийн "Уимбльдон"-ын шөвгийн 16-д Орос бүсгүйчүүдээс нэг нь шалгарч чадсангүй. Одоо тэдний хувьд хосын төрөлд л найдах үлдсэн.

Эмэгтэйчүүдийн ганцаарчилсан төрөлд шигшээ наймд шалгарах эрхийн төлөө тэмцээнийг тэргүүлэгч АНУ-ын Серена Уильямс 23-т эрэмбэтэй Германы Сабини Лицискитэй өрсөлдөнө.

Тэмцээний хоёрт эрэмбэтэй Беларусын Виктория Азаренка, гуравт эрэмбэтэй ОХУ-ын Мария Шарапова болон нарын шилдгүүд тэмцээний хоёрдугаар тойргоос орхисон нь “Уимбльдон”-ы ээлжит түрүүгээ хүртэхээр зорьж буй Серенагийн хувьд зам нээлттэй болсон гэхэд хилсдэхгүй. Хэдийгээр хүчтэй өрсөлдөгч нар нь эртнээс тэмцээнийг орхисон нь түүнд улам боломж нээлттэй болж буйг харуулаад байгаа. Тиймээс Серена өрсөлдөгч нартаа гэм алдалгүй урагшилсаар байна.

Тэмцээний зургаад эрэмбэтэй Хятадын Ли На-гийн хувьд 11-т эрэмбэтэй Италийн Роберт Винчитэй оноолт таарсан нь ширүүхэн тоглолт гарахыг харуулж буй.

Оны анхны "Их дуулга" болох Австралийн нээлттэй тэмцээний шөвгийн наймд Серена Уильямсыг буулган авч хагас шигшээд шалгарч дуулиан тарьж байсан АНУ-ын залуу теннисчин Слоан Стефенс тус тэмцээнд 17-д эрэмбэлэгдэн тоглож буй.

Америкийн өсч яваа залуу одын хувьд ээлжит ялалтаа байгуулсаар шигшээ 16-д шалгараад байна. Түүний хувьд тэмцээний нэгдүгээр тойрогт тавд эрэмбэтэй Италийн Сара Эрринаг буулган авсан Пуэрто Рико улсын теннисчин Моника Пуигтэй оноолт таарчээ. Италийн Сара Эрринаг буулган авсан эрчээрээ Пуэрто Рикогийн теннисчин шигшээд 16-д шалгараад буй. 

 
Эрэгтэйчүүдийн ганцаарчилсан төрөлд Швейцарийн Рожер Федерер, Испаний Рафаэль Надаль, Францын Жо Уильфред Цонга нарын шилдгүүд эхний тойргоос хасагдсан нь тэмцээнийг тэргүүлж буй Сербийн Новак Жокович, аварга цолоо хамгаалахаар тоглож буй Их Британы Энди Мюррей нарын хувьд боломж буй харуулж байна.

Новак Жокович, Энди Мюррей нарын шилдгээс гадна дөрөвт эрэмбэтэй Испаний Дэвид Феррер, Чехийн Томаш Бердых /7/, Аргентиний Хуан Мартин дел Потро /8/ нарын шилдгүүд 16-д багтжээ. Жокович, Энди Мюррей нарын хувьд шигшээд шалгарах бүрэн боломж бий. Тэдний хувьд хувьд хүчтэй өрсөлдөгч нар нь эхний тойргуудаас мултарсан нь учир боломжийн одоо л сайтар ашиглах хэрэгтэй. Тэгж гэмээн тэд шигшээд дахин таарах учиртай.

Өнөө шөнө дөрөвдүгээр тойргийн тоглолтууд эхэлж, шигшээд наймд өрсөлдөх теннисчид эхнээ тодорно.