Жил бүр ёсчлон тэмдэглэж, үе үеийн тамирчдадаа хүндэтгэл үзүүлдэг Монголын тамирчдын баярын өдөр өнөөдөр тохиож байна. Монголын спортын салбарынхан төв талбайд цуглаж, хүндэтгэлийн жагсаал хийн, дэлхийд нэр алдраа дуурсгасан тамирчдынхаа алдрыг магтан дууллаа.

ССАЖЯ, Спортын бэлтгэлийн төвөөс хамтран зохион байгуулсан "Тамирчдын баяр"-т зориулсан спортын өдөрлөгт үндэсний шигшээ багийн болоод ахмад, залуу үеийн төлөөлөл болсон шилдэг тамирчид, спортын халуун бүлийнхэн оролцов.