Шинэчлэлийн Засгийн газраас  улс орныхоо хүн амыг өсгөн нэмэгдүүлэхийн тулд өрх гэртээ ч ам бүл олонтой байхыг дэмжсэн “Олуулаа” хуулийг боловсруулаад байгаа билээ. Тиймээс амаржсан эхчүүд болон хүүхдээ асарч буй аав нарт сар тутам тэтгэмж олгох тухай уг хуулийг Засгийн газраас ирэх долоо хоногт УИХ-д өргөн барихаар төлөвлөжээ. Хоёр хүртэлх хүүхэдтэй гэр бүлд зориулж тэтгэмж олгох тухай хууль нь УИХ-аар батлагдвал ирэх оны эхнээс хэрэгжиж эхлэх ажээ.

Түүнчлэн “Олуулаа” хуульд тухайн гэр бүлд гурав болон дөрөв дэх  хүүхэд нь мэндэлж буй бол тэтгэмжийн хэмжээг 50 хувиар нэмэгдүүлэхээр тусгажээ.