Монгол Улсын Ерөнхийлөгчийн сонгуулийн санал хураалт орон даяар 22.00 цагт албан ёсоор дууслаа. Одоогоор цагийн зөрүүгээс шалтгаалан гурван аймгийн ирцийн мэдээгүй ирээгүй байгаа бөгөөд 22.00 цагийн байдлаар сонгогчид орон нутагт 62,92 хувийн ирцтэйгээр саналаа өгсөн байна.

Харин нийслэлийн зургаан дүүрэгт 65,13 хувийн ирцтэйгээр сонгуульдаа оролцжээ. СЕХ-оос гурван аймгийн ирцийн мэдээг нэгтгэх юм. Хуулийн дагуу аймаг, нийслэлийн сонгуулийн хэсгийн хорооноос нэгтгэх хугацаа гурав хоног, энэ нэгтгэсэн дүнг СЕХ-нд хоёр хоногийн дотор мэдээллэх юм байна. Гэхдээ СЕХ-оос зургадугаар сарын 27-ний өдөртөө багтаан дүн мэдээг танилцуулахаар ажиллаж байна гэлээ.