Английн “Манчестер Сити” клубын хагас хамгаалагч Карлос Тевез “Ювентус”-т очих нь тодорхой боллоо. Тэрбээр орон нутгийн цагаар 26-ны өглөө 8:30 цагт Туринд эмчийн үзлэгт орж, гурван жилийн хугацаатай гэрээ байгуулсан байна. Түүнийг Италид ирэх тухай шуугиан өнгөрсөн долоо хоногийн сүүлээр дэгдэж, энэ даваа гаригт илүү эрчимтэйгээр шуугиж байсан юм. Тэрээр Италид 12 сая фунтээр ирж байгаа билээ. Гэхдээ ирэх улиралд Аваргуудын лигийн хагас шигшээ болон лигтээ түрүүлж чадвал дахин 6 сая фунтыг “Ситизен”-гийн талд өгөхөөр гэрээ байгуулсан аж. Тевез 2009 онд “Манчестер Юнайтед”-аас дуулиан шуугиантайгаар “Сити”-д нэгдэж байсан билээ. Сүүлийн жилүүдэд түүний талбайд гарах нь багасч, өмнөх дасгалжуулагч Роберто Манчинитай таагүй харьцаатай байсан юм. Одоогоор албан ёсны хэвлэлийн бага хурал хэзээ болох нь тодорхойгүй байна.