Хэдийнэ 50 насны босго давсан ч Холливудын халуухан эрхмүүдийн тоонд багтсаар байгаа жүжигчин Том Круз шинэ найз бүсгүйтэй болсон бололтой. Тэрбээр өчигдөр өөрийн найз, продюсер Жерри Брукхаймарт Холливудын алдрын гудамжинд одтой болсонд нь баяр хүргэхээр ирэхдээ үл таних шаргал үст бүсгүйг хажуудаа дагуулсан байжээ. Том Круз нууцлаг шаргал үст бүсгүйгээ их л дотно тэвэрч явсан нь анхааралд өртсөн байна. Том Крузт эрхлэнгүй тэврүүлсээр ирсэн шаргал үст бүсгүй хэн болох нь одоогоор тодорхойгүй байна.

Америкийн телевиз, киноны продюсер Жерри Брукхаймарын Алдрын одны ёслолд Том Крузээс гадна жүжигчин Жонни Депп, Жон Войт, Мартин Лоуренс зэрэг алдартнууд хүрэлцэн ирсэн байжээ. Тэрээр жүжигчин Жонни Деппийн тоглосон “Карибын тэнгисийн дээрэмчид” цувралын продюсероор ажиллаж байсан аж.