Энэ сарын 16-нд Арменийн Дилижан хотод эхэлсэн FIDE (Олон улсын шатрын холбоо)-гийн эмэгтэйчүүдийн Гран при тэмцээний найм дахь өргийн тоглолт өчигдөр боллоо. Эх орноо төлөөлөн оролцож буй их мастер Т.Батчимэг наймдугаар өрөгт Гүржийн Бела Хотенашвилитэй оноолт таарч, тэнцээ хийснээр дөрвөн оноотой болж жагсаалтын тавдугаар байрт бичигдэж байна. Т.Батчимэг маргааш Словений Анна Музычуктэй, нөгөөдөр Болгарын
Антоантета Стефанова, тэмцээний сүүлийн өргөө одоогоор тэмцээнийг тэргүүлж буй Энэтхэгийн Хумри Конерутай хийх юм.

Тэмцээнийг найман өргийн дараах байдлаар Энэтхэгийн Хумри Конеру
зургаан оноогоор тэргүүлж байгаа бол Слований Анна Музычук 5,5 оноогоор удаалж байна. Хуваарь ёсоор шатарчид өнөөдөр амарч, маргааш ес дэх өргийн тоглолт болж, ирэх баасан гаригт 11 дэх өргөө тавьснаар тэмцээн өндөрлөнө.