"MONGOLIAN COVER"  групп болон “Нэг тийм” студиэс хамтран зохион байгуулдаг "Cover Night" өчигдөр “Наран плаза”-гийн “New York New York” ресторанд амжилттай болж өнгөрлөө.

"Cover Night"-ийн гол зорилго нь дуулах, хөгжимдөх сонирхолтой охид залууст чөлөөт цагаа зөв боловсон өнгөрөөх, залуус хоорондоо чөлөөтэй танилцаж, өөрсдийнхөө авъяасыг нэг өдөр хамтдаа хуваалцаж, хөгжүүлэх зорилготой ажээ. Магадгүй ирээдүйн одод эндээс төрөх юм шиг санагдсаныг нуух хэрэггүй бизээ. Маш олон охид залуус өөрсдийн зохиосон дуугаа дуулж мөн хөгжимдөж байлаа. Реп сонирхдог залуус ч мөн өөрийн авьяасаа харуулах бүрэн боломжтой гэдгийг ч хэлэх хэрэгтэй санагдсан шүү!

Энэхүү арга хэмжээ нь 14 хоногт нэг удаа болж байгаа гэдгийг ч дуулгахад тун таатай байна. Энэ  газар хэн нэгэн од ирж дуулах биш хүн бүр од болох боломжтой юм билээ. Дараагийн "Cover Night" дээр олон залуусын дуу хоолойг сонсоно гэдэгтээ итгэлтэй байна.