Цэл залуу 17-хон насандаа дэлхийн дэвжээнээс медаль хүртэж, 20 настайдаа олимпийн рингэнд аваргын төлөө тулалдаж явсан Н.Төгсцогтын төрсөн өдөр өнөөдөр тохиож байна. Монголчуудын бахархал, бардамналын эзэн болсон тэрбээр энэ өдөр 21 нас хүрч буй юм. Залуу гавьяат өнөөдөр Facebook хуудсандаа “Амралтын өдрийн мэнд хүргэе, найзууд аа. Өнөөдөр дэлхий нийтээр олимпийн өдөр тохиож байна. Орчин үеийн олимпийн хөдөлгөөн олон жилийн тэртээх энэ өдөр үүссэн гэж үздэг. Тамирчин бүрийн хүсэл мөрөөдөл олимп байдаг. Тиймээс нийт тамирчдадаа олимпийн өдрийн мэнд хүргэе. Бас ийм сайхан билэгдэлтэй өдөр намайг төрүүлсэн ээждээ баярлалаа. Хайртай шүү” хэмээн бичжээ.

Н.Төгсцогтдоо ч бас баярын мэнд.