Өнөөдөр Эдийн засгийн байнгын хорооны
хуралдаанаар хэд хэдэн чухал асуудлыг хэлэлцэхээр болжээ.
Тухайлбал, Төмөр замын
тээврийн талаар төрөөс баримтлах бодлогыг батлах тухай Улсын Их Хурлын
тогтоолын төслийн анхны
хэлэлцүүлгийг хийхээр болжээ. Мөн Монгол Улсын 2009 оны нэгдсэн төсвийн гүйцэтгэл болон
Засгийн газрын 2009 оны жилийн эцсийн санхүүгийн нэгдсэн тайлангийн хэлэлцүүлэг, Газрын тосны бүтээгдэхүүнийг худалдан
борлуулах тухай Улсын Их Хурлын тогтоолын төсөл,  Ашигт малтмалын хайгуулын тусгай зөвшөөрөл
шинээр олгохыг хориглох тухай хуулийн төслийг хэлэлцэх ба Ашигт малтмалын тухай хуульд нэмэлт
оруулах тухай хоёр өөр хуулийн
төсөл болон “Таван толгойн нүүрсний ордыг ашиглах зарим асуудлын тухай” Улсын
Их Хурлын тогтоолын төслийг хэлэлцэх
эсэхийг шийдвэрлэнэ.

Харин Төсвийн байнгын хорооны өнөөдрийн
хуралдаанаар  Төсвийн
тогтвортой байдлын тухай, Монгол Улсын Ерөнхийлөгчийн болон Улсын Их Хурлын сонгуулийн тухай
хуульд нэмэлт оруулах тухай хэлэлцэж хуулийн
төслийн талаарх санал, дүгнэлтээ Төрийн байгуулалтын байнгын хороонд хүргүүлнэ. Мөн Засгийн газрын үнэт цаас гаргахыг
зөвшөөрөх тухай Улсын Их Хурлын тогтоолын төслийн анхны хэлэлцүүлгийг хийж Монгол Улсын 2009 оны нэгдсэн төсвийн
гүйцэтгэл болон Засгийн газрын 2009 оны жилийн эцсийн санхүүгийн нэгдсэн тайлан, Монгол Улсын 2010 оны төсвийн тухай
хуульд өөрчлөлт оруулах тухай, Нийгмийн даатгалын сангийн 2010 оны төсвийн
тухай хуульд нэмэлт, өөрчлөлт оруулах тухай, Хүний хөгжил сангийн 2010 оны
төсвийн тухай хуульд өөрчлөлт оруулах тухай хуулийн төслүүдийн хоёр дахь хэлэлцүүлэгийг хийх
аж.

Үдээс хойш Аюулгүй байдал, гадаад бодлогын
байнгын хороо, Хууль зүйн байнгын хорооны хуралдаан тус тус болно.

Б.Энхмандах