Жил, жилийн зун нийслэлээр нэг улиасны цагаан “хөвөн” нисэх болсоор уджээ. Мэргэжилтнүүдийн тайлбараар бол Улаанбаатар хотын хэмжээнд ихэвчлэн эм улиас тарьсан нь эр улиасаа санаж унгиралыг унагадаг байна. Хэрвээ эм улиасны дэргэд эр улиас тарьчихвал харшил хөдөлгөдөг энэ “үзэгдэл” арилна гэсэн үг. Тиймээс ирэх намраас эм улиас бүрийн хажууд эр улиас тарих аян өрнүүлье.

Улаанбаатар хотын ногоон байгууламжийг нэмэгдүүлэхийн тулд өнгөрсөн хавар цэцэрлэгчдийг бэлтгэсэн. Тэднээр энэ ажлыг ирэх намар гардаж хийлгэе. Эл санаачлага гараад ажил хэрэг болохоор төрийн байгууллагуудаас эхлээд төрийн бус байгууллагууд ч нэгдэж дэмжиж таарна. Алийн болгон жил бүрийн зургадугаар сараас наймдугаар сар хүртэл эм улиасны унгиралд нийслэлчүүд дарлуулж амьдрах гэж… Харшил ч хөдөлгөөд хүнд байна шүү дээ.