“Proline Photographers” студиэс Монголдоо анхдагч болж, гоо зүй, нүүр будалтын чиглэлээр дагнасан “MAKE UP” сэтгүүл эрхлэн гаргах гэж байна.  Нийтлэлийн бодлогын хувьд залуучуудад гоо зүй, нүүр будалтын талаар үр өгөөжтэй, үлдэцтэй мэдээлэл түгээхийг зорьж байгаа аж. “Өөрөөр сэтгэж, Бүтээлч хандана” уриатай уг сэтгүүлийн залуус шинэ сэтгүүл хэт арилжааны болон уншигчдад ямар  нэг үлдэцгүй хов жив хөөцөлдсөн сэтгүүлүүдээс онцгойрон гарахуйц,  чанартай, идэвхитэй мэдээллээрээ онцлог гэдгээ амлана лээ.

Сэтгүүлд “MAKEUP WORLD” буюу нүүр будалтын хичээл, хэрэгслийн танилцуулга, зөвлөгөөнүүд, “MONGOLIAN BEAUTY”  арьс арчилгаа, дасгал хөдөлгөөн, хумс болон үс арчилгааны тухай булан, “MONGOLIAN LIFE STYLE” тайзны арын сурвалжлага, хөтөч буюу “Guide”, “Photo event” гэсэн ерөнхий булангууд байнга ажиллахаас гадна,  гэрэл зургийн студи дээрээ суурилан  “BEAUTY PHOTOS”-ыг уншигчдадаа дэлгэх аж. Уг сэтгүүл нь Монголын хэвлэл, тэр тусмаа сэтгүүлийн зах зээлд цоо шинэ өнгө төрхтэйгөөр анхдагч болон мэндлэх гэнэ.