Хөгжлийн  нийгмийн ажилтнуудын ур чадвар, идэвх санаачлага, тэдгээрийн уялдаа холбоог сайжруулах зорилгоор тус дүүргийн 7 дугаар хорооны Хөгжлийн нийгмийн ажилтан Р.Солонгын ажил туршлагыг бусад хороодын хөгжлийн нийгмийн ажилтнуудад сурталчлах үзүүлэх сургалтыг зохион байгууллаа. Р.Солонгын шинээр санаачлан хийсэн ажлуудаас туршлага солилцон, хамтран ажиллах бололцоог бүрдүүлсэн үр дүнтэй  үзүүлэх сургалт болж өндөрлөлөө.

Цаашид хөгжлийн нийгмийн ажилтны үзүүлэх сургалтыг уламжлал болгон зохион байгуулах юм.

Тус хороо нь иргэдийнхээ санал бодлыг нээлттэй сонсох зорилгоор санал хүсэлтийн дэвтрийг аялуулан, тулгамдаж буй асуудлуудыг шийдвэрлэх талаар тодорхой ажлуудыг зохион байгуулан ажиллаж байна. Энэхүү шинээр санаачлан хийж буй ажлуудаас дурьдвал: Дэлхийн Зөн ОУБ-ын Хан-Уул ОНХХ-өөс санаачлан зорилтот хороодод хэрэгжүүлж буй “Хөгжлийн хөтөч”  аяны хүрээнд “Хаягдал” арга хэмжээг амжилттай зохион байгуулж, хаягдал цуглуулж борлуулсан  орлогоороо “Олон Улсын хүүхдийн эрхийг хамгаалах өдөр”-өөр хүүхэд багачуудын дунд олон төрлийн тэмцээн уралдаан зохион байгуулж, шагнаж урамшуулсан байна. Мөн хорооны иргэдээсээ  “Сэтгэл ханамжийн судалгаа” авч хийх ажлын төлөвлөгөөнд тусган ажиллаж байна.