Хүний үсээр нарны шил бүтээж эхэлсэн нь хүмүүсийн сонирхлыг нэлээд татаж байна. Эдгээр гайхширмаар зүйлсийг Дизайнер Азуса Мураками, Александр Грүвс нарын “Studio Swine” студи төрөл бүрийн этгээд бүтээл хийдэг. Учир нь дэлхийн хүн ам өсөхийн хэрээр үс хамгийн хямд, ашигтай материал болон хувирч байгаа хэмээн тэд хэлж байна. Үсээр хийсэн нарны шил сайн чанарын резинээр боож, хүрээлсэн бөгөөд хүний биед ямар ч гаж нөлөө үзүүлэхгүй гэдгээрээ онцлог. Энэ шинэ санааг хуванцар болон төмрийн харшилтай хүмүүст нэлээд таалагдаж байгаа ажээ.