Урд хөрштэй 600 километрээр хиллэх олон улсын хурдны замыг ирэх есдүгээр сард ашиглалтад оруулах юм байна. Уг зам Дорноговь аймгийн  Чойр сумаас Сайншанд хүртэл 176.4 километрыг хамрах бөгөөд АНУ-ын хөрөнгө оруулалттай Монголын мянганы сорилтын сан 100 хувь санхүүжүүлж буй. Ингэхдээ зам барилгын ажлыг хоёр өөр компаниар зэрэг хийж байна.

Тодруулбал, нийт 176.4 км замын 90 километр замын ажлыг БНСУ-ын “Халла инженеринг энд Констракшн” корпораци 33.9 сая ам.долларын санхүүжилтээр хийж байгаа юм. Харин 86.4 километр замыг БНХАУ-ын “Жиангши Уөтэр энд Гидропаувер констракшн” ХХК 31.86 сая ам.долларын хөрөнгө оруулалтаар хийх аж. Одоогийн байдлаар тус замын гүйцэтгэл 70 хувьтай байна.