“Найзууд” киноны Рэчелийн дүрээр алдаршсан Холливудын од Женнифер Анистон, жүжигчин Жастин Теро нар уран бүтээлийн цаг зав багатайгаас хуримаа хойшлуулхаар болжээ. Хосууд энэ зун хуримаа хийхээр төлөвлөж Лос-Анжелосын “Bel Air”-т олон сая ам.доллараар худалдан авсан тансаг харшдаа нүүж орохоор болоод байсан юм. Анистон бүр хуримын даашинзаа хүртэл захиалчихсан байсан ч хувийн амьдралаас илүүтэйгээр карейртаа анхаарахаар шийдсэн бололтой. Одоогоор тэд хуримынхаа нарийн товыг гаргаагүй байгаа ч ойрын хугацаанд хийхгүй гэдэг нь тодорхой болжээ.

Анистон сүүлийн үед найруулагч Равсон Маршалын ирэх наймдугаар сард нээлтээ хийх “We"re the Millers” кинонд ажиллаж байгаа бол Жастины хувьд ирэх онд нээлтээ хийх “Zoolander 2” кинонд тоглож байгаа юм.