Нэрт дасгалжуулагч Дмитрий Миндиашвилийн 80 насны ой, Түүний нэрэмжит Красноярскийн бөхийн сургуулийн 40 жилийн ойд зориулсан Оросын аварга шалгаруулах чөлөөт бөхийн тэмцээн эхлэхэд ганцхан хоног үлдлээ.

Зургадугаар сарын 14-16-нд Красноярск хотноо болох уг тэмцээнийг тус хотод хамтарсан бэлтгэлээ хийж базаасан Монгол Улсын ҮШБ-ийн тамирчид үзэж сонирхоод эх орондоо ирэх ажээ.

"Мэндээ өвөө"-гийн гар дээрээс олимпийн гурав, дэлхийн зургаан удаагийн аварга Бувайсар Сайтиев, олимпийн хошой аварга Иван Ярыгин, олимп дэлхийн аварга Адам Сайтиев, дэлхийн хошой аварга Виктор Лебедев, Европын гурван удаагийн аварга Опан Сат тэргүүтэй үе үеийн алдарт бөхчүүд олноороо төрөн гарсан билээ.