“Севийя” клубын тоглогч Хисус Навас Английн Премьер лигийн “Манчестер Сити” клубт 14,9 сая фунтийн үнээр ирлээ. Тэрээр ирэх 15-нд эхлэх Холбоодын цомыг дуусгаад Англид албан ёсоор хүрэлцэн ирэх ажээ. Түүнд “Нью-Йорк Рэд Буллс” багийнхан 15,9 сая фунтын үнэ санал болгосон ч тэрээр Английг сонгосон байна. “Сити”-чүүд Фернандиниог өөрсдийн эгнээнд нэгтгээд байсан бол ийнхүү Испаниас нэгэн тоглогчийг нэгтгэж чадлаа. Навас “Севийя” клубын нэрийн өмнөөс 284 тоглолтод оролцож 23 гоол оруулж байсан нэгэн юм. Мөн Испанийн шигшээ багийн төлөө 23 тоглолтод хоёр гоол оруулж байсан билээ.