ОХУ-ын Уфа хотод даамын эрэгтэйчүүдийн 53 дахь удаагийн ДАШТ үргэлжиж
байна. Тус тэмцээнд дэлхийн 25 орны 40 даамчин дөрвөн хэсэгт хуваагдан
өрсөлдсөнөөс шигшээ тэмцээнд шилдэг 12 даамчин шалгарсан. "В" хэсгээс гуравдугаар байраар шалгарч, шигшээ тэмцээнд оролцох эрхийг их мастер Д.Эрдэнэбилэг авсан бол  "А" хэсэгт өрсөлдсөн их мастер Г.Ганжаргал зургаадугаар байраар шалгарч бага дэлхийн аваргын төлөө өрсөлдөж буй.

Шигшээ тоглолтууд өчигдрөөс эхэлсэн бөгөөд их мастер Д.Эрдэнэбилэг гурван өргийн дараах байдлаар гурван тэнцээ авснаар тавдугаар байрт бичигдэж байна. Их мастер Д.Эрдэнэбилэг маргааш дөрөв дэх өрөгтөө тэмцээнийг тэргүүлж буй ОУИМ Ацетэй оноолт таарчээ.

Бага дэлхийн аварга буюу В хэсэгт өрсөлдөж буй их мастер Г.Ганжаргал өнөөдөр хэсгийн эхний тоглолтоо хийж тэнцээгээр өндөрлөжээ.

53 дахь удаагийн ДАШТ ирэх долоо хоногийн лхагва гариг буюу зургаадугаар сарын 19-нд өндөрлөж, медальтнууд тодрох юм.